Орчин үеийн худалдааны төв, дэлгүүрүүд зөвхөн бүтээгдэхүүнээр бус, сэтгэлд үлдэх мэдрэмжээр дамжуулан хэрэглэгчийг татах стратегийг өргөн ашигладаг болсон. Үнэр нь хүний тархинд шууд сэтгэл хөдлөлийн төвд нөлөөлдөг тул зөв сонгосон үнэр хэрэглэгчийн худалдан авалтын шийдвэрт чухал үүрэгтэй.

Эфирийн тос бол байгалийн гаралтай, аюулгүй, эерэг сэтгэгдэл төрүүлэх үнэрийг бий болгох шилдэг шийдэл юм. Нимбэг, гааны зэрэг үнэр нь дэлгүүрийн орчинг цэвэрхэн, сэргэг, тав тухтай мэдрэмжээр бүрдүүлж, хэрэглэгчдийг илүү удаан саатах, худалдан авалт хийхэд нөлөөлдөг.

Иймээс үнэрийн маркетингийн нэг хэсэг болох эфирийн тосны хэрэглээ нь орчин үеийн худалдааны байгууллагуудын сэтгэл зүйд суурилсан борлуулалтын стратегийн салшгүй хэсэг болж байна.

Хэрэглэгчийн анхаарал татах, худалдан авалтын сэдлийг нэмэгдүүлэх зорилгоор АНУ, Япон зэрэг өндөр хөгжилтэй орнуудад зарим худалдааны төв, дэлгүүрүүд эфирийн тосыг үнэр түгээгчээр ууршуулан орчиндоо ашиглах болсон.

Эдгээр байгууллагууд дараах эфирийн тоснуудыг түлхүү хэрэглэжээ:

• Нимбэгийн тос – анхаарал төвлөрүүлэх, сэргэг байлгах
• Гааны тос – цэвэр мэдрэмж төрүүлэх, анхилуун орчин бүрдүүлэх

Үр дүн

Хэрэглэгчид тухайн орчинд удаан хугацаагаар саатах хандлагатай болж, худалдан авалтын тоо, сэтгэл ханамж мэдэгдэхүйц өссөн байна.

Дүгнэлт

Худалдааны салбарт эфирийн тосыг ууршуулан хэрэглэх нь бараа бүтээгдэхүүнээс гадна мэдрэмжээр борлуулах хүчтэй хэрэгсэл болж, хэрэглэгчийн сэтгэлд үлдэх, худалдан авалтыг нэмэгдүүлэх эд чухал үүрэг гүйцэтгэж байна.